Myte

Ordet "myte" vert gjerne nytta om forteljingar som me ikkje heilt trur på. I religiøse samanhengar tenkjer me ofte på soger om gudar og magi frå ei fjern fortid eller hjå naturfolk i vår eiga tid

Ulike kulturar har ulike myter som viser deira oppfatning av verda og mennesket sin plass i den store samanhengen. Mytene forklarar korleis verda vart til og korleis alt heng saman. Men dei fortel og om opphavet til sosiale tilhøve, skikkar eller til enkelte familiar.

Mytene inneheld som oftast heilage element, noko som skil seg frå det vanlege og kvardagslege.